من فكاهات قداسة البابا شنودة الثالث

واحد قال لقداسة البابا الشيطان دايما بيحاربنى وبعمل كل حاجة وبردو الخطية موجودة
رد قداسة البابا وقاله: حاول تتفاهم معاه وقله ابعد عنى يا شط شط

+ واحد بيقول للبابا أنا عندي داء النسيان ماذا افعل؟
رد البابا وقال خايف اقولك تنسي بكرة

+ واحد بيقول للبابا أنا بنام في اجتماع قداستكم ماذا افعل؟
رد البابا وقال ابقي فكرني اعمل اجتماع وأنت صاحي.

+ زوجي مندوب مبيعات أدوية كان عنده كتاب طب قديم يعالج نفسه
بواسطته! وماذا حدث بعد ذلك؟؟؟؟
مات بسبب غلطة مطبعية

+ واحد صعيدى صرخ بصوت عالى وقاله انت جاموس يا سيدنا (يقصد قاموس)
رد عليه قداسة البابا وقاله : الرك على العجول اللى تفهم (يقصد العقول)

+ واحد عنده 55 سنة و بيسأل قداسة البابا انا نفسى اتجوز لكن عندى 55
رد قداسة البابا وقاله: اذا كان انت عندك 55 يبقى لازم تاخد ام 44

+ جاء تاجر أردني لقداسة البابا شنودة الثالث وقال له:
عندي مشروع جيد ولكنه بحاجه إلى تدعيم من الكنيسة , بأن نعبيء مياه نهر الأردن الذي تعمد فيه السيد المسيح في زجاجات ونبيعها في مصر للبركه...... أجابه قداسة البابا وقال:
طيب ماالمسيح جاء إلى مصر وشرب من مياه النيل... فما رأيك لو عبأنا زجاجات من مياه نهر النيل وبعناها في الأردن؟!..

+ مذيع بيسأل قداسة البابا فى برنامج عن حكاية ان الاقباط هيعملو دولة خاصة بهم فى اسيوط
رد و قال:ازاى الكلام دة !! عندنا اساقفة كتير اوى ... هنوزعهم ازاى على اسيوط ... ممكن نخلى كل اسقف على حارة وممكن نسميهم الآباء الحوار

هههههههههههههههههههههههههههه
ربنا يباركلنا فى صحة البابا شنودة
وهو فعلا دمو خفيف اوى وزى العثل واكتر واحدة عجبتنى

+ واحد بيقول للبابا أنا عندي داء النسيان ماذا افعل؟
رد البابا وقال خايف اقولك تنسي بكرة

مرسى على مواضيعك دى يا مينو وربنا يبارك حياتكـ ويعوضكـ

ميــــــرسى ياشادى على مرورك ياجميل وردك الممتع
ويارب يطولنا عمره ويقف معاه فى خدمته ومع جميع خدام الكنيسه بشتى مناصبهم المختلفه

ههههههههههه بجد دمة زى العسل فعلا
ربنا يديم لنا عمرة ويكون وسطينا
ربنا يباركك يا قمر وميحرمناش من مواضيعك الحلوة ديمااااااااا

ميــــرسى يا اجمل نيرفانا فى الدنيا على مرورك وردك الممتع دائما
ويارب يخلى كل مصاف قديسينا العظام الذيين ارضوا ابونا المسيح منذ البدايه والى المنتهى