آه أنا عندي مبدأ وبعيش بيه لكن يعني لما بيحتكم الأمر ممكن يعني مش أغيره لكن أركنه شويه أديله أجازه ولما مثلا ها يكون جاي من وراه سبوبه ولا حاجه مصلحه مش عيب ولاحرام أبدله أو أغير فيه يعني هو ممكن يكون قابل للتغيير
يعني هي جات علي ده ما كل حاجه بتتغير
ده البني آدميين بتتغير المبدأ مش هيتغير؟
لكن طبعا أوقات بتاخدني الجلالة و بيظهر المبدأ ده وتطلب معايا أعيش بيهلا لا ديه مش ازدواجية ولا حاجه إيه يعني لما يبقي عندي رأي في موقف ونفس الموقف يكون ليه رأي تاني مهو برضوا للمصلحه كله مش عيب
اجري لمصلحتي إيه الغلط في كده؟
أه أنا بحب ربنا جدا وبحب أعيش ليه لكن عايش بمبدأ ساعة لقلبي وساعة لربي صديقي حُب ربنا هو .. حياة بتتعاش مش موقف و بيخلص و بيعدي
اللي بيحب ربنا وعايز يعيش ليه يبقي لازم يكون واضح جدا مع نفسه وما يفضلش عايش حياة الازدواجية، وتعرج بين الفرقتين
يا يمين يا شمال
يا أبيض يا إسود
ما ينفعش أوقات تقرر انك تبقي رمادي
موضوع: انا عندي مبدأ 
الأحد يناير 25, 2009 8:05 am
